Misamis Occidental: Ang Story sa Iring Nga Wala Ka Sulod Sa Border

Kagabei diin busy ang mga frontliners ug mga leaders sa Misamis Occidental sa mga updates ug pag-asikaso sa 179 nga mga returnees, usa ka mensahi ang nadawat ni Governor Philip Tan diin usa ka Misamisnon ang nangayog tabang niya kalabot sa iyang mga iring nga matud pa nabilin sa border sa Bonifacio.

“Good evening, naa unta koy hangyo Gov, ang akong mga iring man gud gov kay nabilin sa Liloan kay wako kabalo nga magkuha pa d i og veterinary permit para mauban naku diri sa amu gov sa Clarin kagahapon… Gikan ko sa Buruun, Iligan City Gov, cge lang ko hilak gov kay ako man gud gapadako atong mga iring. Please tabangi ko gov nga makuha na naku akong iring..” matud pa sa nagmessage ni Gov nga nagbuhi sa iring.

“Karon gov naghome quarantine ko karon gov, akong hunahuna gov naa sa mga iring nga nabilin sa border”, dugang pa sa nagmessage.

Ug tuod man gipasa jud dayon ni Governor Tan ang maong message sa iyang team kung kumusta or naa bay iring nga naa sa border. Medyo nalingaw gamay ang mga frontliners ni Gov kay sa unang higayon mga iring ang ilang echeck kun naa paba kini or kumusta na kini.

Sa gibuhat nga pagcheck, gipicturan jud daun sa staff ni Gov ang duha ka iring ug giforward kini nga gisent pd ni Gov sa tag-iya.

Apan wala pa nahuman ang storya, natingala ang tag-iya kay duha nalang kini, matud pa niya tulo kabuok iyang iring.

ANG PAGPANGITA SA NAWALANG IRING

“Meow meow meow! Asa naka ming!”

Gipapangita jud dayon ang isa pa ka iring. Ug sa mga updates nga g screenshot ni Gov, mabasa nga ginafollow up jud pd sa mga frontliners og unsay updates. Nahimong icebreaker sa ilang group chat everytime update sa iring ang e message ni Gov.

Tuod man, wala gidisregard sa mga frontliners ang pagpangita sa nawalang isa pa ka iring, ug nakit-an rjud kini ug giatimanan pd kini nila sama sa pagahin og food packs.

“Ug gipangita nasad naku ang ikatulo ug karong gabhiuna nakaplagan ra gyud and they’re all reunited. “ matud pa ni Governor Tan.

Nalipay kaayo ug nagpasalamat ang tag-iya pagkakita nga maayo ra ang kahimtang sa iyang mga iring.

Wala pa ni nahuman ang storya atangi ang reunion sa tag-iya ug sa tulo niya ka iring.

People of Oroquieta: Salamat Governor Tan aning maong story, lighter side ni kay puro nalang COVID mga balita sa probinsya. PHOTOS courtesy of Governor Philip Tan.